I want to be happy
الصوره دي من يوم 3 فبراير 2011 تاني يوم موقعة الجمل
بتوصف بذكاء الحاله اللي احنا فيها بقالنا 11 شهر
جيش المشير ومجلسه العسكري ومن اول يوم وهو زي الصوره دي .. في مواجهة الشعب
عمره ما كان في صفه ابدا وعمره ماحمي ثورته
اللي يقول غير كده بيبقي واهم وبيتخيل حاجات عمرها ماحصلت ولا هاتحصل
يوم الجمعة ٢٨ يناير صادفت في ميدان التحرير احد الأصدقاء الناشطين من سنين في حقوق الإنسان والتدوين والحق في المعلومات و خلافه .. نظر لي الصديق بتمعن وقال لي: إيه رأيك .. قلتله: في إيه؟ قاللي: في الثورة .. قلتله: مبهرة . .. قاللي أي خدمة.
الحقيقة لم انتبه لما يقصده فقلت له: مش فاهم .. قاللي: شغلنا…
الشيخ حازم ابو اسماعيل ..اول مرشح رئاسي يتكلم بصراحه ويقول كلمة حق عن مجلس العسكر والمحاكمات العسكريه
شابوووووه للشيخ ….. ربنا يكتر من امثالك
هو فيه إيه؟
اعتصامات واضرابات ..عمال بتطالب بحقوقها المهدره من عقود …ويقولوا عليهم بلطجيه
ناس غلابه حظهم ان بيوتهم اتهدت ..يوعدوهم بشقق جديده ويرجعوا فكلامهم ..يخرجوا يطالبوا بحقوقهم …ويقولوا عليهم بلطجيه
اللي قتلوا الشهداء يتكرموا .. ويترقوا .. ومرتباتهم تزيد … ويتقال عليهم ابطال كانوا بيدافعوا عن اقسامهم ..والي ماتوا دول بلطجيه
محاكمات القتله تتأجل …وتتأجل …وتتأجل…يفرجوا عن القتله بضمان ويفضلوا في شغلهم ..ماهم ابطال ..قتلوا البلطجية
اهالي الشهداء يتهانوا ويتبهدلوا … واولادهم اللي فاضلينلهم من الدنيا يعتقلوا قدام عنيهم … ويقولوا عليهم بلطجيه
ناس مش عاجبها اللي بيحصل ..سرقه للثوره ..واهدار دم الشهداء …واكل حق الفقراء..يتظاهروا ويعترضوا ..ينضرب عليهم غاز ومطاطي ..ويتقال عليهم بلطجيه
الثوار في الميدان بيتهم الاول والاخير …يتضربوا ويتهانوا …يعتقلوهم من الشوارع …ويتقال عليهم بلطجيه
يخفضوا ميزانية الصحه والتعليم ..يعملوا خطة تقشف عام .. ووزارة الداخليه تطالب بزيادة ميزانيتها ..يشتروا قنابل مسيله للدموع انتاج مايو 2011 …عشان يضربوها علي البلطجيه
البلد بتغلي …..و الاشاعات ماليه الدنيا
الاخوان عاوزين الانتخابات الاول
والسلفيين عاوزين مرشحهم يبقي رئيس الجمهوريه
والليبراليين عاوزين الدستور الاول
والنخبه بايته في ستوديوهات التوك شو
والثوار تايهين ومش ملاحقين علي الضربات اللي جيالهم من كل حته
ورئيس الوزراء سايب الدنيا تضرب تقلب ورايح غينيا يحضر قمة الاتحاد الأفريقى
ووزير الداخليه بيتفرج علي ماتش مالوش 30 لازمة
والنائب العام راح يعمل عمره ويحضر غسيل الكعبة وسايب تل القضايا اللي علي دماغه
والمجلس العسكري واقف ورا الستاره بيضحك وعامل نفسه مش هنا
والشعب لسه يريد اسقاط النظام
شوف يا عم المواطن منك ليه….مافيش حاجه تجيب ذعر لضابط في الجمهوريه البهلوانيه بتاعتنا دي زي س ٢٨ نيابات عسكريه..ليه يا عزيزي؟ عشان دول ما بيرحموش ولا يعرفوش ابوهم…دول كده البعبع بتاعهم
لو احنا في بلد محترمه مش هتحتاج تروح تشتكي حد من الداخليه كتير…بس لأننا لسه بنضف الزباله القديمه وهنفضل ننضف كتير…
